ഇണക്കിളി

വാത്സല്യവും പ്രണയവും,
വിദ്വേഷത്തിനും പകയ്ക്കും
പങ്കുവച്ച് യാത്രയായ
ഇണക്കിളിയുടെ ചിറകടിയൊച്ച,
കാതുകളില്‍ ഇപ്പോഴും മുഴങ്ങുന്നുണ്ട്.

എങ്കിലും ഞാന്‍ പറക്കുകയാണ്...
നാം പിരിഞ്ഞ നിമിഷങ്ങളില്‍ നിന്നും
മന്വന്ധരങ്ങള്‍ അകലേയ്ക്ക്...

കരിഞ്ഞലിഞ്ഞീ ചിറകുകള്‍
മേഘപാളികള്‍ക്ക് മുകളില്‍ വീഴും വരെ...

അന്നും,
എൻ ഹൃദയം തുടിക്കുമെങ്കിൽ
അത് നിനക്കായിരിക്കും...

ആ തുടിപ്പിന്റെ അവസാന മാത്രയിലും
-പിരിഞ്ഞു പോയെങ്കിലും-
എന്നിണപ്പക്ഷീ, നീയുണ്ടായിരിക്കും...
നിന്‍റെ ചിരിയും ചിറകടിയുമുണ്ടായിരിക്കും...